Ñandejára Jehová ningo upe Ipu`akapáva ha ojapóva opa mba`e oiva ko múndope. Upéicha rupi heta hénte okulpa chupe opa mba`e oikóvare, umíva apytépe umi mba`e vai jepe. Péro la Biblia he`i:
"Ñandejára hekojoja opa mba`épe" (Salmo 145:17)
"Ñandejára rembiapokue ndaijojahái, hape hekojoja. Ha`e Ñandejára jeroviapy, naiñañái, ihústo". (Deuteronomio 32:4)
"Jehová ñanderayhueterei ha avei ñande poriahuvereko" (Santiago 5:11).
Ohechaukaháicha ko`a téxto, Ñandejára ndojapói mba`eve ivaíva. Upéicharo jepe, heta oi opensáva ha`e omomyiha ótrope ojapo hagua. ¿Siértopa upéva? Ni mba`evéicharo. La Biblia he`i: "Ani avave he`i ohasa asy chetantea hagua, avave ndaikatúgui ojapouka ivaíva ñandejárape, ha ha`e nomoiri avei ñane renondépe mba`eve ivaíva ñanetantea hagua" (Santiago 1:13). Hae voi ndojapói ivaíva ha nomomyiri avei avavépe ojapo hagua upéva. ¿Mba`érepa upéicharo oiko jepi umi mba`e vai?....